[Chorus]
Green grow the rashes, Oh,
Green grow the rashes, Oh,
The sweetest hours that e'er I spend,
Are spent amang the lasses, Oh.

There's nought but care on ev'ry han',
In ev'ry hour that passes, Oh,
What signifies the life o' man,
An' 'twere na for the lasses, Oh,
Green grow, and see

The war'ly race may riches chase,
An' riches still may fly them, Oh,
An' tho' at last they catch them fast,
Their hearts can ne'er enjoy them, Oh. Green grow, and see

But gie me a cannie hour at e'en,
My arms about my dearie, Oh,
An' war'ly cares, an' war'ly men,
May a' gae tapsalteerie, Oh!
Green grow, and see

For you sae douce, ye sneer at this,
Ye're nought but senseless asses, Oh,
Find more lyrics on http://mp3lyrics.com
The wisest man the warl' e'er saw,
He dearly lov'd the lasses, Oh.
Green grow, and see

Auld Nature swears, the lovely dears
Her noblest work she classes, Oh,
Her prentice han' she try'd on man,
An' then she made the lasses, Oh.
Green grow, and see.